請給我一個 like :) Thanks!
My Facebook Lazy G.Lazy Place
台灣便利店零食，你會諗起咩呢?
我同大部份朋友就會起7-11嘅溫泉蛋(上圖右)，無論做早餐或者宵夜都對胃口。呢包溫泉蛋一袋有2粒(NT38)，入口好有糖心嘅感覺，我自己就鍾意用佢當宵夜啦。我曾經起九龍城台灣食品店見過，竟然賣HK$40！所以每次去，總會買嚟過口癮。
其次，我起台灣差唔多日日都會買麥香綠茶(NT10)，3年前第一次試飲之後就愛上咗呢包微甜、帶小麥香味嘅綠茶。雖然便利店飲品選擇好多，但佢由始而終都係我唯一至愛。除咗綠茶，佢仲有紅色包裝嘅麥香紅茶。
而另一款必買嘅飲品就係台灣啤酒，其實我無飲酒習慣，但一場嚟到台灣，同朋友自然想試多D，於是每晚返酒店，就會習慣買一罐台灣啤酒，原味台灣啤酒我就唔鍾意啦，實在太苦啦！但就鍾情佢嘅水果味，分別有：芒果、菠蘿、葡萄、檸檬，而呢一罐青梅應該係新口味?因為我2月去台中時無見過。我自己就最鍾意葡萄味。
講開飲品，可口可樂台灣版都引起我注意。起香港行過超市的話，都知道可口可樂有Share a Coke呢一個宣傳，人人都四出搵屬於自己嘅人名可樂。而嚟到台灣，佢就出咗年份版受同悄悄話版(圖一左)，年份版就可以Scan上面QR Code聽屬於個個年份嘅歌，而悄悄話版就係飲完支可樂就會見到隱藏起上面嘅文字。而我就每樣都買咗支。
台版可樂好懷舊
至於零食方面，我最鍾意7-11梅子味大V厚切薯片，酸酸地再加上波浪口感，愈食愈停唔到口，佢又係我次次必買之一。
第2樣要介紹就係可樂果，佢係豌豆酥，我最鍾意係辣味，又係好惹味。
第3樣要介紹就係中華甜愛玉，由於我對檸檬愛玉情有獨鍾，所以起7-11見到佢買嚟一試，JELLY口感，甜甜地，當甜品唔錯。如果要帶返香港，記得佢吾可以Hand carry架！
之後就要介紹海苔夾心，用海苔夾住d瓜子、杏仁，口感脆脆，好香口。
而另一款就係比菲多益生菌軟糖。試佢係因為佢出品嘅大支台版益力多，台灣人話只要一飲佢，便便就好暢順。而我就無飲呢支益力多，反而係試咗佢出品嘅軟糖，好Q好軟，唔會太甜，食落都唔錯。
介紹咗幾款台灣出品，就要介紹D 海外產品但起香港無見過嘅零食。
藍色M&M – 呢個係香港無嘅香草冰淇淋味，藍白包裝真係好靚，食落口其實有D似雲哩拿。起2月到台中之時，佢有出過一隻情人節粉紅色版(野莓味)，又係香港無嘅，我就比較鍾意野莓味多D。
日本出嘅雷神朱古力 – 起年頭比人勁掃，仲要係一盒盒咁掃。我起收銀機前見到最後一包，佢係朱古力餅再包住一層朱古力，有D 似Oreo，都幾好味。但上星期比我見到759有小包裝。
板神朱古力 –雷神個fd? 未食，買來一試。
六色果汁店 – 我對呢類糖特別有感情，都係想買來一試。
其實台灣便利店真係好好行，咩都有得買，行到累仲可以入去坐下或者借個洗手間(台灣有d較大便利店附設洗手間)，如果下次你去台灣，記得入去行下，包你搵到驚喜！
請給我一個 like :) Thanks!
My Facebook Lazy G.Lazy Place
沒有留言:
發佈留言