2014年3月5日星期三

【G遊記】台中南投慶生之旅 - 序

一直都想開個Blog,但又一直so lazy ~  今次終於有題材,好啦!決定用旅遊做 Lazy G.Lazy Place第一篇分享。


2月25日小G生日之時出發la~~
12月玩遊戲中咗免費機票,於是事隔2個月又去台灣多1次。

朋友成日話我去台灣,無錯!
大大話話呢半年去咗3次,
(10月台北、12月宜蘭、2月台中)
但今次就去從未去過嘅台中~

免費機票係Hong Kong Express提供,出發之前都聽人講可能有delay問題,幸好出發當日只係等候接駁車需要少少時間,其餘都好暢順。

PS: 廉航係無免費飲提供,記得上機前食少少嘢啦!
本來都好擔心,會唔會唔安全,但坐過華航的話你就會覺得Hong Kong Express好舒服,至少佢機艙好新。(連台灣人都同我講,佢地都唔敢坐華航....)

一到台中機場,第一個感覺…..「好細、好唔方便」真係一眼都望唒!



想兌錢? 有! 想提款?有!想開電話卡?有  ,不過…………

1.      兌錢—只得關外關內2間,遇著多人排隊,就會好浪費時間,尤其係你要趕車同埋第一站係要上山呢D無銀行嘅地方,就真係好麻煩。
 

2.      提款—只有關外一部ATM,多人排隊,出現兌錢的相同問題。如果你太過老定以為機場一定有錢拎,哈哈….意外就係咁發生!因為當日ATM出現故障,無錢拎之餘,同行友人身上仲只得幾百港幣,起銀包空虛情況下就出發去清境。(清境海拔17002000,好鬼難搵銀行嘛,幸好晚上去7-11,用ATM就提咗款啦。)  
 

3.      電話卡—只得遠傳一個Counter,所以又係人好多,如果你之前去台灣開過其他台嘅電話卡,可以唔洗去排,留返舊卡,之後去7-11買儲值包,咁就可以任上網同打電話啦。所以,唔洗急於一時去排隊開卡。

PS: 小G選用台灣大哥大,服務同速度都唔錯。

當友人處理提款但無錢情況時,我就起機場來來回回搵一早預約好嘅司機,但距離隔預約時間15分鐘過後,仍然無一個舉起我小名嘅司機出現,其實有D擔心佢會失約。幸好20分鐘後,司機出現啦!於是一行4個人,坐住好舒服嘅共乘車出發去清境!

 我們在共乘車上渡過舒適的1.5小時

 

台中機場小心得:

1.      想海外用銀聯提款,記得出發前起香港啟動服務

2.      機場規模細,便利店小小一間,最好起香港準備少少台幣及港幣,唔好老定一定有ATM用,因為你永遠預計唔到任何突發情況,有錢旁身,唔洗徬徨,台中唔似台北咁方便呀!

3.      如果從未開過台灣電話卡,建議起機場搞埋,因為7-11只可以充值,唔可以賣卡比遊客,返到香港唔好掉咗張卡呀,因為下次可以再用,起7-11自由充值,唔洗起機埸同人迫,方便好多!

 
好啦!講完一大輪,送張相比大家先~~


 


到底清境遇到咩趣事?呢間咁靚嘅城堡又係咩東東呢?

下一次同大家分享!J 

喜歡小G嘛? 請到個人Facebook 給我一個like啦 :) 謝謝!
Lazy G.Lazy Place ( < --- Click )