【G遊記】親親草泥馬 ~ 台中月眉天馬牧場

草泥馬~ 草泥馬~~ 小G最鍾意就係草泥馬
貪佢個樣又呆又笨，好搞笑呀!!

Plan台中行程之時見到介紹月眉天馬牧場，當然唔可以錯過啦！
於是將行程安排起第4日，由台中火車站出發，坐到大甲站就要打的去啦(車費NT$250)

見到密麻麻嘅火車班次，真係頭痛呀

好喜歡小火車，好繽紛呀

先由台中去大甲，之後就要打的啦

坐咗約10分鐘的士之後，就嚟到月眉天馬牧場(入場費NT$250) ，其實除咗草泥馬之外，都無咩野好睇，入面仲有鱷魚、鸚鵡、牛、駝鳥、大烏龜、馬、蛇......

小G一落車，即狂奔去草泥馬區，但.......點解佢地比人剪哂D毛? 有少少怪相  XD

好啦，唔理咁多即刻餵佢地，點知佢地好狼死，食得好快，萬一你停手唔再餵，佢地仲跟你九條街，遇著隻脾氣差D嘅，仲會噴你口水，臭足成日架！

 草泥馬BB

 

 影咩呀?

 

原來草泥馬伙咁樣訓，好搞笑

大啖大啖咁食

 

 

因為有剪毛Show，所以身上的毛被剪成心心

 

 

鱷魚、鸚鵡都係草泥馬鄰居

 

其實月眉天馬牧場真係好細，如果唔係好鐘意草泥馬，都唔洗刻意去，因為入面真係無咩睇呢，基本上行一圈就玩完。玩咗一陣之後，就去大甲搵食了。

 

去咗好出名嘅裕珍馨買咗奶油酥餅同檸檬蛋糕，不過唔係我杯中茶，個檸檬仲令我好失望><

原來個片黃係朱古力，食落去好硬，蛋糕仲唔夠creamy

 

 

見去完大甲時間尚早，於是去埋高美濕地，因為睇台劇見過，睇日落真係好靚呀。

點知天公唔造美，去到好大霧大風，日落又無得睇，無咩心機影相。

 

 

要去高美濕地就先要去清水站，之後轉公車或的士，

不過公車班次好少，要去的話就要安排好火車同巴士接駁時間，

而的士就無呢個問題，不過平日好少車，都係有排等架。車費大約NT$250

 

天灰灰的

 

天氣唔好，日落不見了

 

 

當帶住失望心情離開，去到火車站之時，太陽先出現 ><

如果有機會，好想再去一次

喜歡小G嘛? 請到個人Facebook 給我一個like啦 :)
謝謝！Lazy G.Lazy Place ( < --- Click

【G遊記】在森林和原野是多麼的逍遙 ~漫步台中溪頭森林遊樂區

Lazy ? Busy?

好耐無update個blog，唔好以為我真係好Lazy，實情係太太太Busy ><”
今日終於有時間啦!

 

入返正提先~

小G夜遊妖怪村之後，第2日上晝做咗件好少遊客會做嘅活動 —行山！

(下….唔係嘛，有無咁健康先 ?)

 就係咁健康，既然一場嚟到溪頭，當然要去睇下好出名嘅神木，同埋大啖大啖咁索有益身心嘅芬多精及陰離子空氣啦！

 

下一站：溪頭森林遊樂區 ( 總面積2,514公頃，海拔1,150公尺 )

 

經民宿哥哥介紹之下， 預計3-4小時行完，之後就可以坐車去台中夜繼續2.5日嘅血拼行程！

 

溪頭森林遊樂區真係好大，如果要行哂所有景點，應該要1日，主要景點有：服務中心、大學池、空中走廊、植物進化探索園、神木、竹類標本園、竹廬、筠屋、巨石、銀杏林、步道、森林探索區等等。而我今次就主要去睇神木，所以其他景點都係路過。

 

行咗1.5小時，仲未見到神木，但沿路風景都好靚，有彩虹橋、有紅檜林樹群、櫻花道，真係愈行愈精彩。

 

要行2000幾米先可以去到睇神木

 

櫻花道

 

 

成個山頭都係櫻花

 

櫻花

 

 

櫻花就在腳下

 

 

你看到有小松鼠嗎？

 

 

無意中發現彩虹橋

 

由於係咁上山，路面都有少少斜，所以行下又坐下、食下又影下，熱下又凍下，終於見到神木啦！溪頭神木的樹齡約2800年，樹高46公尺，樹圍16公尺，樹幹直徑4.33公尺，係我見過最最最大嘅樹木呀！

 

 

好大好大呀~~

 

 

睇完神木之後，又行咗一大段路，終於完成咗森林遊樂區行程lu~  

 

沿路風景令人好Relax

可能個日係平日，所以淨係得長者行山，最得意係同好多公公婆婆一齊行，感覺好似好街坊，與眾同樂一樣，行完之後，真係成個人都好暢快呀！

 

我係佢地一份子 XD

 

到咗下午，買多少少妖怪村手信之後，就坐「台灣好行」去台中lu! 提提大家，如果去溪頭，最好住至少1晚，咁樣就會舒服d，唔洗咁趕，因為一來一回至少3小時呀!

如果要坐「台灣好行」去溪頭，記得早d去買飛，同埋要買來回票呀，咁就make sure你有車返台中，因為溪頭交通唔係太方便。(除非自己開車或包車)

 

坐咗1.5小時公車之後，終於到咗台中火車站，行幾分鐘就到訂咗嘅新驛酒店，真係超方便，如果下次去台中，我都會選擇住起台中火車站附近。

 

起酒店小休之後，馬上打的出發一中夜市(小插曲：台灣的司機真係好熱情，基本上次次佢地都好鍾意同我傾計，講東講西，仲講到唔願比我落車，要add埋佢FB先走得 XD)

一中夜市好熱鬧，司機哥哥介紹一定要食雞排，於是我就去排隊。

點知一咬……….真係不得了！好味到喊，起台北的雞排一定無佢咁出色，雖然好熱氣，但一場嚟到，當然要食啦，到而家仲好懷念個一隻味，好後悔之後無再食多一次呀 ><

 

 

勁好味

 

 

最後飲埋杯阿月紅茶，真係爽呀

阿月門口全部都係用完嘅檸檬，單睇數量，就知一日

賣出好多杯，勁呀！

食下又飲下，當然唔小得去86小店，小三美日去血拼啦，買咗少少手信之後，就返酒店休息lu

餘下2 日旅程，仲有我最期待嘅親親草泥馬~~ 留返下次再介紹啦:)

喜歡小G嘛? 請到個人Facebook 給我一個like啦 :)
謝謝！Lazy G.Lazy Place ( < --- Click