我們的旅程應該充滿感恩

 

 

To 正在為旅程感到煩心的你：

 

等待旅遊的心情，愈是期待愈是美麗。

出發前3個月預訂好機票住宿、2個月前計劃行程、1個月前整裝待發、1星期前開始倒數。

出門、上機、出發!

 

但有時候我們在旅途上會埋怨，

為什麼風景與所想有所出入?

為什麼旅遊書介紹的美食名不符實?

為什麼住房實境與網上照片不相同?

為什麼景點收費那麼貴？

為什麼天氣不似預期？

為什麼不夠時間跑景點？

結果整個旅途充滿為什麼、為什麼、為什麼。

腌尖腥悶、事事挑剔、那個會是你嗎？

 

每一趟旅程應該充滿感恩，

至少我們還有健全的身體，想走就走，想停便停，

至少我們還有那個志同道合的旅伴，一起癲、一起笑、一起走，

至少我們還有旅行的自由，隨心選擇屬於自己的目的地，

感恩我們能平安回家。

 

旅行的目的不是要Refresh身心嗎?

為什麼要來一個只有埋怨的行程?

換個角度看，煩心事亦可能給你一些提示：

風景不美嗎？那是給你機會找尋更美的景點，給你機會準備下一趟旅程。

迷路了嗎？說不定轉角處會遇到更多的驚喜。

食物/景點/住宿上的不滿，亦只是旅程的一小污點，何必要因一小點而影響整個行程？

經濟學角度而言，因小失大，唔化算。

換轉心情，整個氣氛就變得不一樣。

 

有人說，旅行是給你養分，對！要灌注就注入滿滿的美妙回憶吧！

夏季快結束，快d捉緊夏天的尾巴，來一趟美麗旅行！

 

 

From 期待旅行的我

 

 

 

 

喜歡小G嘛? 請到個人Facebook 給我一個like啦 :) 謝謝！
Lazy G.Lazy Place ( <— Click )

今夏我遇見的3道彩虹

由細到大，對彩虹都有情意結。
自從幼稚園見過雙彩虹之後，就好想好想再遇到。
今個夏天我好幸運地碰上3道彩虹。


5月14
 如果唔係因為中耳炎而留起屋企唔洗返工
又或者早/遲1分鐘打開天台門
咁就冇缘一見lu 雖然淡淡一條但已經so happy (≧∇≦)





5月24日
在家又見到正在消失的彩虹 (右邊淡淡的)
如果早一點發現便好





上星期去長洲玩，咁岩比我遇見第3道彩虹!!!  
哈，講梗嘅係加手上呢杯彩虹刨冰，真係涼透心呀！
一杯賣$12，一試無妨~








Where to: 長洲
(一出碼頭向右手邊行，見到張記魚旦再向前行，賣魚仔餅左手邊就係啦!)


喜歡小G嘛? 請到個人Facebook 給我一個like啦 :) 謝謝！
Lazy G.Lazy Place ( <— Click )

每一個冰桶盛載的不只是冰

當Ice Bucket Challenge好似病毒咁傳播出去，Facebook不斷被洗版、每次打開頁頁見到紅色notice，總擔心係咪自己已被Tag……

當自己被Tag之後，就閞始盤算：要去邊度倒冰呢？要幾時倒？搵邊個幫我拍片呢？要著咩衫先適合？要準備d咩道具呢？去邊買冰呢？之後要再Tag咩人呢？

其實諗咁多問題之前，有無了解過Ice Bucket Challenge真正義意？

Ice Bucket Challenge係想大家體驗ALS病人（肌萎縮性脊髓側索硬化症/漸凍人）起神志清醒狀態之下，眼白白咁睇住自己被「凍」住，全身逐漸癱瘓，肌肉逐漸衰弱、萎縮，直至不能呼吸。想像一下如果你自己靈魂被身體所困，一年又一年……每日張開眼，只望到天花；每晚睡前的影像，亦只有天花，可怕嗎？

眼見Ice Bucket Challenge漸漸被扭曲原義，好似只為挑而挑，未被tag? 又怕大家話你無朋友，話你out。呢個Challenge雖然有人會話浪費食水，但請問批評呢個Challenge之前，自己起日常生活上有幾節能、減水呢? 如果你夏天日日都要開冷氣、每次洗面刷牙都要長開水喉…… 咁請批評之前先檢討自己。

Ice Bucket Challenge原意係好，亦都非常成功，起碼大家關注到ALS係D咩(你仲係吾了解，請自行Google)。
係，呢個Challenge某程度係好玩，相信你呢排成日都「食花生」等睇人找數，但大家找數之前，唔好再諗以上第3段一大輪嘅問題，不如直接行動去捐錢，然後先慢慢「挑」啦。

要記得每一個冰桶盛載的不只是冰，而是ALS病人及病人家屬滿滿的痛苦。


喜歡小G嘛? 請到個人Facebook 給我一個like啦 :)
謝謝！Lazy G.Lazy Place ( < — Click )

【G遊記】我在首爾遇上了最佳的味道

我去旅行，有時會好貪心：又想狂食、又想掃貨、又想勁影、又想癲行……我嘅list永遠集以上大成，實行身心靈滿足。當然首決條件係需要：精力充沛嘅Body、志同道合嘅朋友、黑洞一樣嘅肚皮、堅過國腳嘅腳力。

最近一次，當然都唔例外，( 請參考我【首爾+南怡島】5天地鐵精華遊) ，由朝玩到晚真係好開心。難忘事有好多，起行程最後一日我就遇上了一位親切阿朱媽，完全改變咗我10年前對阿朱媽嘅印象。

10年前初次到漢城(個時仲未改名叫首爾)：起樂天排隊去廁所，出面排隊的阿朱媽不斷拍門，不斷大聲講野，好似係想叫我快D? 當我打開門，人都未出去之時，; 阿朱媽已經出手推我出去。以上情況已經唔係1次，即使行行下路，佢地都會出手撞你……. 所以第1印象真係唔好。
2014年6月再到首爾：之前經歷，再加上友人遭遇，仍然覺得韓國人比較粗魯(當然只係部分人啦)。但事隔10再去韓國，韓國人比我感覺非常良好。

除咗女孩子最喜愛掃貨環節外，最開心就係捕捉到好多happy moment ，同孔雀漫步、同松鼠玩捉E因、影靚相之餘，有好多surprise( 請參考我地鐵自助 – 超suprise之孔雀散步、松鼠捉迷藏南怡島遊)。

之前人人同我講話韓國人好粗魯，但我覺得佢地比好多香港人品格仲好，淡定、簡單、慢活節奏真係好舒服！

5日入面我遇見好多好nice韓國人：
一到步就起機鐵遇見同你打招呼、屈身躹躬歡迎你到南韓嘅禮貌路人大叔
起南山cable car主動讓靚位比我影風景相嘅氣質男
起梨大引人笑又同你講i love u 嘅sale 男
起梨大熱情又突然擁你入懷嘅big hug男
起惠化餵你食嘢又主動幫我們合照再一齊影相嘅阿朱媽
起南山主動拎你相機一齊影影子合照嘅雪糕男
起機鐵上會指住日落叫你影相嘅阿朱媽
起弘大兩手幫你抽起2個40kg行李落樓梯嘅高大力氣民宿男
起南山遇見叫我幫佢影相嘅跑步影相型男
飛機上主動幫你拎行李嘅淡定台型大叔
仲有沿途上遇每一個途人！

令我最深刻一定係惠化壁畫村阿朱媽，當日上完山坡又上又落，個人已經又攰又餓，於是就隨心入咗一間韓式小食店，而店內有一位阿朱媽老婆婆。落單時大家語言不通，但係Menu上面係有中韓對照，我只要指住中名，阿朱媽就會知道我想食咩啦！當嘢食嚟齊之後，唔少得同朋友影下相，估唔到阿朱媽用身體語言示意幫我同朋友影相、仲由店內走出店外，為嘅係幫我同朋友影到一張露台外觀嘅相，仲溫馨提示我地笑得開心d，佢仲估唔到我地會get到佢講咩，所以開心到舉起姆指。對遊客嚟講，呢d少少舉動，已經令我好感動、好窩心。


 

詳細地址唔清楚，但就係左上呢一間小店，好有家庭味道


以為影完相就可以開動？阿朱媽又出手啦！
事關我order咗一碗冷面，阿朱媽怕我唔知道正確食法，於是佢又用交剪剪斷d麵，整細d 蛋，然後…再將冷麵送入我口，太熱情啦！
隨著我哋整熱鬧小店後，客人愈多愈多，阿朱媽亦忙住廚房工作，老婆婆就好怕羞咁坐埋一角，笑咪咪咁望住食客。到我哋食完嘢埋單，阿朱媽仲好努力咁起廚房工作，於是我哋只好大動作同佢揮手bye bye，而佢面上仍然係一個親切笑臉。


笑臉阿朱媽





N Seoul Tower 和韓男的影子合照 本來我只係玩梗自己隻公仔 佢見到我就拎我相機影咗呢張 我和他,牠, 牠。


韓國除咗食同買，我更鍾意同佢地溝通 (≧∇≦) 感受一下韓式熱情，阿朱媽及以上提到嘅韓國人帶比我嘅感受，遠遠勝過crazy shopping嘅物慾滿足，等我體會到首爾最佳的味道 — 人情味。對比起韓國人，香港人反而顯得冷漠自私，你熱心少少又怕人地話你「厚多士」，起香港熱心已經變咗奢侈品。

每一趟旅程總會遇見唔同嘅人，慶幸我5日入面由頭到尾到遇到親切的他/她/牠。
當然人人經歷不同、有好當然有唔好，其實只要打開心扉，’任何一位路人都可能係你最美風景。





期望下一次旅程，遇見更多異國朋友。
今次起璧畫村影咗唔少相。












喜歡小G嘛? 請到個人Facebook 給我一個like啦 :)
謝謝！Lazy G.Lazy Place ( < — Click )

【G遊記】男生怕怕之「女人首爾購物咒」

女生同男生提起遊首爾，十居其九都怕怕，點解？以下係我男性友人的說法：

A: 去韓國咁悶，都無嘢玩！
B：唔好啦，得D女人化妝品！
C: 除咗食，我諗唔到可以做乜WO！
D: 去到咪又淨係幫女人拎嘢，都無男人嘢啱睇。

哈，某程度上我都幾同情男生，因為我身邊都好少男生話想去首爾，亦好少一班男子去，即使有男生去，都係要陪女友。可能佢哋怕咗「女人購物咒」!?

早2個月我就起明洞街頭親眼目睹一節「女、男、女」之男生無奈行，事源有晚同朋友起明洞街頭食梗某烤腸嘅小食，而身後有2女1男(應該係香港人)，其中1女子買咗一串烤腸，當佢「相機先食」之後，好順手咁將串烤腸遞咗比男子，個個男子就即刻好大反應「又係我!次次你買完D嘢都唔係食，影完就要我幫你食！當我係咩呀!」同時好無奈地將串烤腸消滅，與此同時，另一女子不斷擺post自拍，一邊同男子講「我要行街，我想去邊邊邊….」 男子又無奈地：「等埋我食完嘢先得唔得呀，都唔差個d時間啦。」 呢個時候我忍唔住望咗佢地3人一眼，好替男子可憐，見佢邊食腸、邊拎住大包小包，其實都幾狼狽、無奈。





呢d旅行係享受定係受苦呢?雖然女生購物係天性，但都唔好「將購物快樂建築起男生受苦」身上丫，兩者之間取平衡就perfect啦，最非你身邊那位係「乜都得先生」啦！ 買咁多又要拎餐飽，拎到返香港係唔係真係用得著/食得唒?

唔知又會引起幾多男生共嗚?





喜歡小G嘛? 請到個人Facebook 給我一個like啦 :) 謝謝！
Lazy G.Lazy Place ( <— Click )

工廠驚喜‧去觀塘影3D相放鬆一下

工廠大 廈發展愈來愈多元化、有食、有買之餘，最近仲可以去玩添。
之前參加U blog試玩活動，上星期去咗觀塘工廠區嘅放鬆一下 3D相館 ，雖然小小範圍，但都不失為一個工廠驚喜。

我去過大規模泰國、韓國嘅3D展，雖然放鬆一下 3D相館地方比較細，但好啱幾個朋友仔去Relax一下，始終唔係人人都有出國機會嘛，所以佢又確係屬於香港嘅驚喜。

放鬆一下 3D相館有4間房，畫與畫之間空位唔算大，人多時都需要排隊等畫影，不過無論係泰國、韓國嘅情況都係一樣，所以可以接受。但我認為呢一度都仲有改善空間，例如擺位方便可以將比較大型、又需要趴地嘅畫集中放起較大房間，咁樣影出嚟嘅效果會靚d，唔洗左避右避d穿崩位。





簡單嚟講，大型作品唔算多，加埋自拍Zone嘅話都夠大家玩2小時。除咗3D相外，我最欣賞就係簡單嘅自拍Zone，提供幾款背景同道具，等大家多一個玩法。




我玩當日係星期日，所以等自拍Zone都算多人，2-3人嘅話就有6mins影相時間，人多d時間就會多d。不過有個小插曲就係本來我想用佢嘅小結他道具，點知搵來搵去都搵唔到，到我影完自發現原來係後面跟隊嘅情侶hold起咗(未到佢地影，點解要hold住d野唔比其他人用呢? 搞到想用的人無得用…)。所以大家玩時都要有公德心，如果要企上畫仍影相記得除鞋，玩時都要顧及他人。

近來尖沙咀都開咗一個3D館，但我自己就覺得兩者各有生存空間，起碼大家多一個選擇、多一個地方去玩嘛。

雖然呢一度無華麗包裝，但最值得欣賞係，呢度由追夢嘅青年人開辦，值得支持。起呢短短2小時入面，我同朋友都玩得好過癮，希望呢一度會愈開愈大，不斷比新鮮感大家啦。
唔知你又鍾唔鍾意玩3d館呢？當中又有邊間令你最難忘呢？

Where to?
地址: 觀塘偉業街205號茂興工業大廈12樓

電話: 5993 5330

喜歡小G嘛? 請到個人Facebook 給我一個like啦 :) 謝謝！
Lazy G.Lazy Place ( <— Click )

【G遊記】慢活Hea遊首爾三清洞

去首爾想感受一下藝術味道? 我就好鍾意新舊交融嘅三清洞。呢個小社區「藝味」甚濃，術道兩邊有好多café、coffee shop，仲有一d潮鋪，每一間小店分別代表唔同故事。如果你鍾意飲咖啡，就一定要去三清洞啦！







最吸引我嘅係街頭嘅塗鴉好有味道，每一幅都有唔同感覺，啱哂愛攝之人。





抽一個下午起三清洞漫步，真係好寫意呀！
而且三清洞好近景福宮、仁寺洞，將呢3個地點劃為同一日嘅行程，方便又易行。

當日我漫無目的咁行三清洞，無特定店舖要去，沿路覺得每間店裝飾都好特別，當然影咗好多相啦。















行到累，就去左左邊呢間店食韓國料理，當然係唔知地址啦 XD



雖然選擇少，不過味道都唔錯，睇下佢個粒雲吞，成個拳頭咁大~!
我就最欣賞冷面，啱哂怕熱食嘅我。

雖然無同大家介紹到指定店舖，但只要你身在其中，一定會發掘到獨特嘅風景。
有時旅行唔係要為左跑景點、唔一定要Crazy shopping，慢活Hea遊反而會有更深刻感受。



Where to ?
地鐵3號線安國站1號出口


喜歡小G嘛? 請到個人Facebook 給我一個like啦 :) 謝謝！
Lazy G.Lazy Place ( <— Click )

【G遊記】藝文空間 首爾仁寺洞人人廣場SSamziegil

玩藝術創作，屬於自己嘅空間真係好緊要。
香港有PMQ、首爾就有仁寺洞人人廣場SSamziegil。



2個地方都好free style，天馬行空地創作，起入面你會搵到無盡創意。
人人廣場SSamziegil分成4層，每一層都有唔同小店，主要出售DIY特色商品，好啱藝文青年，入去影下相、休息下，都係一個唔錯嘅地方。











食物都好有創意 、屎屎餅







  
行到累可以休息下

記得去埋頂樓呀，睇日落都好好Feel架！



Where to?
地址：Seoul-si Jongno-gu Gwanhun-dong 38
安國站6號出口

喜歡小G嘛? 請到個人Facebook 給我一個like啦 :) 謝謝！
Lazy G.Lazy Place ( <— Click )