2014年3月25日星期二

【G遊記】 台中溪頭妖怪之出末?

「生平不作虧心事,夜半敲門也不驚」......
 
所以小G今次台中遊特別加左刺激行程 — 闖蕩妖怪村!

 
日式建築?又有神社、烏居?乜小G去咗日本咩?

 


 
 
哈~ 其實我邊有咁大膽去「搞鬼」丫,只係去咗
溪頭妖怪村,而佢亦係明山大飯店主題飯店,以日式建築風格為主嘅玩、食、宿新景點。
 

 
 慢慢行入去已經感受到日本風情啦!
 
 

 
小G入到去,完全係進入開心Mode,因為入面建築同商品好吸引我,所有擺設都係用妖怪為題,真係愈行愈見「鬼」呀!
 

 
有無d 似曾相識感覺?
 
 
 
又有一隻「鬼王子」等梗你~~~
 
 
怕「見鬼?」咁就要去出下血,話唔定有避邪作用~ 哈哈!  其實我係指血拼!
 

 
入面最出名有妖怪麵,係豬肉泡麵
(買咗,但未試食,唔知入面會有咩呢 :p)
 

 


 
各式各樣妖怪飲品
 

 
妖怪商品 - 佢叫枯麻
 
 
 妖怪商品 - 佢叫八豆

 
小G 見到呢D精品,忍唔住買咗,d名真係笑死我~!
 
 
行到肚餓都唔洗擔心,因為入面有好多小食、特式妖怪食品、餐廳,如果樣樣都試一d,基本上都好飽lu。

 

 
估下呢個眼球係咩野?
 
 
(開估:湯丸)


講到食,妖怪村內有個久保田烘焙坊,主要賣自家出產麵包,仲有創意商品,佢最出名係「咬人貓」,可惜要排大隊,所以無緣一試...


久保田烘焙坊


其實邊個話妖怪一定好可怕,只要有創意,包你鐘意呀! 如果有時間,去玩返半日都係唔錯選擇。點解我話半日呢?因為溪頭比較遠,由台中火車站出發要坐1.5小時公車,但公車班次好少,所以都係要住1晚比較好,而且仲要住近妖怪村呀,咁先感受到妖怪夜晚氣氛。

咁另外半日去邊?下次再話你知 XD


溪頭妖怪村
營業電話:(049)261-2219
營業地址:南投縣鹿谷鄉內湖村興產路二之三號
 
喜歡小G嘛? 請到個人Facebook 給我一個like啦 :) 謝謝!
Lazy G.Lazy Place ( < --- Click )

2014年3月16日星期日

【G遊記】Sakura 清境櫻花踏青去

Sakura  Sakura ~~  :p
見到咁多櫻花,小G同奸夫仔一樣心情大好呀!

 

 

要睇櫻花,其實唔一定要去日本或者韓國,近近地去台中清境都係好選擇呀!2月尾至3月中都係台灣櫻花期。清境相信好多香港人都熟悉,小G第一次去清境青青草原,估唔到原來櫻花佈滿成個山係咁靚,一片片粉紅色,好有畫意。
 

 
一入場就有一排排櫻花歡迎你,咁樣已經好開心? 咪住,呢d係前菜咋!
 
 
 
再行入d 去睇睇....

青青草原入面種咗一排排櫻花,起櫻花下慢慢散步,好幸福呀!

 
 
幸好唔係假日,如果唔係一定好多人。不過,小G掛住賞花,唔係影咗好多櫻花近攝 XD
用相機影都唔及得用眼、用心去感受嘛!
(好啦好啦..其實係我唔記得咗影...哈哈)
 
 
 
好啦,送你一片櫻花補數啦 :p
(利申:呢片櫻係地下執咋,無論去到邊都要愛惜公物呀,唔好搞破壞呀!)
 
感受完一輪櫻花海,就到咗親親小綿羊時間啦!
 

 
青青草原都係以綿羊為賣點,成個草原都有好多綿羊,不過可憐的被剪哂毛毛 ><
會唔會凍親?
 
 
呢一隻好好彩,仲Keep到一身濃密嘅厚毛
 
 
呢d係小小綿羊,仲未可以放去草原
 
 
搞咩佢琴高又琴低呢?

 
之唔係為左小G 手上呢盒糧,大家餵動物時記得放平手掌成180度呀,如果唔係你手指就會被咬到啦!
 

 
 青青草原真係一個好Relax 嘅地方!
 
 

 
除咗綿羊,仲有幾隻草泥馬
 

 
又有可愛的小馬
 

 
 
如果大家想充下電,去清境住返幾日,都係一個唔錯又經濟嘅選擇呀!



喜愛大自然,當然唔小得踏踏青啦 :)

喜歡小G嘛? 請到個人Facebook 給我一個like啦 :) 謝謝!
Lazy G.Lazy Place  (  < --- Click )

2014年3月12日星期三

【G遊記】台中南投慶生之旅 - 清境城堡住宿

雖然事隔半個月,不過真係好回味......
回味起城堡嘅時光!
咪住先,小G無公主病,唔會幻想自己係公主,快快樂樂咁起城堡生活喎!
(起香港,想住得舒服d 都難啦!)

我講嘅城堡,就係上一篇賣咗關子嘅清境民宿  —清境西雅圖璀璨雙城

 
 
 
 
起行之前,小G都係上網誤打誤撞,起無頭緒之下突然眼前一亮,比亮眼嘅黃色城堡吸引住!於是就用佢地官網網上預訂系統Book房,整個過程好方便,只要你有信用卡或者paypal 就得啦!
 
Book咗房之後,當然要email 確定一下,於是小G就email比佢地負責人打個招呼,再問下交通接送,好快咁就確定咗啦!(讚:預訂系統超方便,負責人email回覆快,有問必答呢!)
 
小G生日之日抵達台中機埸,然後登上預約好嘅共乘車(NT$550/人)去清境,路上還有2個香港女子, 佢地真係好堅,5日旅程只Plan1日住宿,其他4日去邊唔知,打算去到邊住到邊,到時先搵落腳地。嘩!呢個體驗真係又型又堅,其實我都好想一個人去旅行,自由又自在,想點就點。



  出發!
 
大約1.5小時,就到目地的啦!
 
門口係咁樣
 
 
其實沿途都諗:到底黃色城堡真身係點呢?到步之後第一時間Check in, 櫃檯小姐同我講:「今天黃色城堡有空房,我們為你升級了!由你預定的白色山城轉至城堡......聽到呢度,我內心開花呀!因為旅費問題,住宿都係打算最經濟最實惠就ok,而今次竟然由NT$1599的房Up至NT$4XXX 的房呀~~~ XD  開心死我了!就當係上天給我的生日禮物啦 ~~ 嘻嘻 ~ 當然也謝謝西雅圖的安排啦。
 
 
一打開房門~~~~~~ 好想大叫:嘩!

 
 
間房真係超大!我一個人霸佔大房會唔會幸福咗少少呢? haha ~~~~
有1張大床、一張大L型沙發、1個浴室、1個洗手間、1個露台
真係好Suprise!
好適合嚟呢度Hea同Relax
 
 

 
呢度睇風景好爽!
 
之後去食附帶的Tea,有花茶、咖啡果凍、三文治
 




 


哈哈!係唔係好羨慕我呢? 食完Tea就去玩lu,由於當然已經下午4pm,嚟唔切去青青草原,於是就坐小黃去青青草原入口附近,慢慢沿山走落去小瑞士同搵食la ~

 
慢慢沿山走
 

 
行到山邊大排檔食晚餐
好有風味呀~ 因為清境夜晚都幾凍~邊食邊吹風 XD


 
 食飽之後到小瑞士寄postcard 比朋友
你是我的幸運兒嘛? :)
 

 
小瑞士入面有紙箱王
入面好多擺設都係用紙做,幾特別!

 
有時間值得去睇下呀!
 
 
玩到天黑之後就要返城堡lu...  可惜有個難題,就係無車!哈... 點算?身上又無台灣電話、上網服務又未增值,於是搵到7-11之後馬上買上網包,再開Google Map,定咗點之後膽粗粗行返去,其實都係30mins,對我無問題,只係黑咗少少。反而起香港你叫我黑媽媽咁行,No la! 香港太危險、太可怕。
 
順利返到城堡,抬頭望天,成天都係星星!靚呀~
於是就係露台影星空。

 
 
其實我住郊區,星空起屋企都可以望見,但嚟到清境又係另一個感覺啦。
 
住咗1晚之後,依依不捨離開城堡啦 ><  如果有機會,下年一定要再嚟一次。

今次住城堡真係好滿意,佢地服務真係好細心,因為友人發現ipad留咗起城堡,失物幾經轉折 幸而得到民宿幫忙宅配去台中住嘅旅館,真係好感動。雖然我唔係失主, 但係佢地令我衷心感受到濃濃人情味,所以第一次去台中自由行,感覺好放心。

謝謝西雅圖負責人及櫃檯小姐幫忙呢 :) 下次希望再來住宿。 


小G就住起最高中間的房啦!
 
 
清境第2日,完全係靚景之旅,成個山都係櫻花~~ 

想睇靚相嘛? 下一篇同大家分享啦 :)
 

 

喜歡小G嘛? 請到個人Facebook 給我一個like啦 :) 謝謝!
Lazy G.Lazy Place ( < --- Click )