一向唔慶祝聖誕嘅我，今年就特別提早食大餐啦！
請給我一個 like :) Thanks
My Facebook Lazy G.Lazy Place
仲有個幾星期先聖誕，咁快食大餐？
早前參加「U Blog X 黃金海岸 漪泉吧醉人 Tapas 饗宴」嘅活動，有幸地成為其中嘅邀請者，於是好有口福咁去試食啦!
是日Model – 奸夫仔Mr.Smile 起黃金海岸留影！
用餐之前，簡單介紹下環境先！
黃金海岸漪泉吧 – 起大堂個層，用餐位置自成一角，雖然係假日，但好寧靜，特別啱傾計之用。
醉人 Tapas 饗宴有咩食呢？2人餐包括飲品(西班牙水果酒 Sangria/紅酒/白酒)、6款自選Tapas、1個西班牙海鮮飯。
喜愛Sangria，果味比紅酒味濃，甜甜地易入口，欣賞佢嘅生果係預先浸好，而唔係即倒酒即放起入面嘅。所以，d生果粒都好入味~
可以自選嘅Tapas(under $68)，款式都好多！我就order以下呢6款啦~
西班牙紅甜椒沙甸魚多士 – 呢度Tapas一上，經理馬上高度推介Tapas，因為沙甸魚係鮮製嘅，並唔係用罐頭，一向怕腥嘅我都覺得呢個多士唔錯，佢無魚腥味，而且魚肉並唔係罐頭一般會出現嘅「沐pat pat」情況，加埋紅甜椒，唔會太油。
西班牙餐點可以無咗佢？西班牙酸辣肉腸 一我鍾意佢咸咸地，配酒送飯一流，而上面嘅小青瓜係一大點綴，可以清下肉嘅油膩(其實西班牙酸辣肉腸一d都唔油) ，呢個係我最like嘅Tapas。
炸風乾火腿雞粒薯茸丸 – 入口軟棉，材料唔係好重口味，原來係將材料打到好爛，之後再炸，難得地無炸物嘅油膩。配上嘅醬酸酸辣辣，幾醒胃。
西班牙茴香茄汁娼燴肉丸 – 肉味好鮮，茴香茄汁辣辣地，好啱口味。
扒什菜配曼徹歌芝士 – 曼徹歌芝士用羊奶所製，但一d都唔酥。呢度係比較淡口，食咁多肉，當然要食返d菜平衡下啦！原來，茄子原來唔止得紫色，仲有黃色、綠色，好特別!
辣汁西班牙肉腸炒薯角 – 著仔好沐好綿，炒過嘅肉腸，無即食咁可口，個人認為呢個比較無特式。
最後一道西班牙海鮮飯 - 係唔係好斤兩十足呢？入面有好多海鮮: 魚塊、帶子、青口、北寄貝、魷魚、蝦、肉片…etc…
大家都知西班牙飯比較乾身，唔鍾意食嘅人會話「好似食未熟嘅飯粒」，而呢一度西班牙海鮮飯嘅飯粒軟硬適中，乾身得嚟唔太硬，而且d材料好入味，飯已經吸哂海鮮嘅鮮味lu，即使無哂d海鮮，淨係食飯都好夠味。
食咗咁多，對整晚嘅環境、服務、菜式都好滿意，如果要挑一個意見嘅話……哈哈…點解無甜品架？
咁樣就可以為整個饗宴添上完美句號啦!
ps: 多謝U Blog 、黃金海岸，比為食嘅我有個咁好機會，唔單止相機先食，我肚皮都好滿足! Thanks!
請給我一個 like :) Thanks
My Facebook Lazy G.Lazy Place
