A: 去韓國咁悶，都無嘢玩！
B：唔好啦，得D女人化妝品！
C: 除咗食，我諗唔到可以做乜WO！
D: 去到咪又淨係幫女人拎嘢，都無男人嘢啱睇。
哈，某程度上我都幾同情男生，因為我身邊都好少男生話想去首爾，亦好少一班男子去，即使有男生去，都係要陪女友。可能佢哋怕咗「女人購物咒」!?
早2個月我就起明洞街頭親眼目睹一節「女、男、女」之男生無奈行，事源有晚同朋友起明洞街頭食梗某烤腸嘅小食，而身後有2女1男(應該係香港人)，其中1女子買咗一串烤腸，當佢「相機先食」之後，好順手咁將串烤腸遞咗比男子，個個男子就即刻好大反應「又係我!次次你買完D嘢都唔係食，影完就要我幫你食！當我係咩呀!」同時好無奈地將串烤腸消滅，與此同時，另一女子不斷擺post自拍，一邊同男子講「我要行街，我想去邊邊邊….」 男子又無奈地：「等埋我食完嘢先得唔得呀，都唔差個d時間啦。」 呢個時候我忍唔住望咗佢地3人一眼，好替男子可憐，見佢邊食腸、邊拎住大包小包，其實都幾狼狽、無奈。
呢d旅行係享受定係受苦呢?雖然女生購物係天性，但都唔好「將購物快樂建築起男生受苦」身上丫，兩者之間取平衡就perfect啦，最非你身邊那位係「乜都得先生」啦！ 買咁多又要拎餐飽，拎到返香港係唔係真係用得著/食得唒?
唔知又會引起幾多男生共嗚?
喜歡小G嘛? 請到個人Facebook 給我一個like啦 :) 謝謝！
Lazy G.Lazy Place ( <— Click )
