請給我一個 like :) Thanks!
My Facebook Lazy G.Lazy Place
提起台灣，除咗美食之外，貪靚嘅我就第一時間諗起台灣美妝，點解？因為：「平、靚、正」! 雖然韓國美妝仍然係首選，但台灣出品都唔可以忽視，尤其係面膜。由於我係一個面膜狂，差唔多每晚都要敷過先安樂，朋友問我點解皮膚唔錯，我諗都係因為勤用面膜。
6月去韓國買嘅面膜用得7788，所以今次我就主力入手紙面膜，早起2,3年前，韓國面膜未係主流之時，我主要用台灣面膜，牌子分別用：我的美麗日記、森田、Dr.Wu、自白肌、Sexy Look、1028、Annie’s Way、寶藝，但經過比較之後，紙面膜首選一定係森田、其次就係Sexy Look，而清潔Gel Mask首選係Annie’s Way，佢去黑頭粉刺功效真係好好。
同大家介紹我今次嘅戰利品 – 2014 秋 ‧ 台灣美妝大公開
阿原 YUAN
相信好多人都識，佢主要出售天然手工肥皂，有不同美肌效果。受朋友所托，買了一塊檸檬，而佢2款「水潤、月白」分別係佢熱賣NO.1 & 2，朋友話用完佢塊檸檬，皮膚好滑，毛孔都細咗，所以我就買哂比自己試啦。雖然香港都有專門店，但有留意嘅話就知道香港賣得好貴。如果你有興趣，建議起機場買，因為每塊平NT 15-20不等。
檸檬 NT 300 水潤 NT 330 月白 NT330
有興趣可參考佢地Facebook https://www.facebook.com/yuansoap
寶藝酵素冷膜 NT299(250g / 康是美)
之前有用另一牌子同類嘅Mask(Beauty DIY)，一向都知呢個牌子好Hit，今次就買來一試，據朋友講，亮白效果唔錯。
森田藥粧 Mask Box Set (NT 385/22片 / Watson)
呢個Box Set係限量，買20片送多2片，呢個牌子我用左4年，佢係醫生品牌，用咗咁耐無出現敏感，保水、美白效果唔錯。而呢一盒有4款效果：「集中保濕原液、集中潤白原液、高保濕菁華露、全嫩白菁華露」，除返開每片都係NT17.5，日日用都唔會肉痛。
Sexy Look黑面膜禮盒(NT385/16片/桃園機場T2昇恒昌)
另一隻要介紹牌子係Sexy Look黑面膜，佢吸引我係佢包裝，當然啦，佢功效都要好用先會得我歡心。呢一盒BOX SET分別有3款功效：「深層水嫩、深層亮白、深層修護」，其中一片係送嘅全效嫩白面加頸膜。呢塊面膜敷個時真係好型，即使係男仔敷都唔怕比人笑老土，佢保水功效都唔錯，但由於係棉布關係，佢比森田厚少少。 計返開佢貴少少，但都只係NT $24 一片。
佢仲有款5片裝(NT299 買1盒送1盒/康是美)
1028 深V Mask(NT 299 85折/3片/Watson)
認識呢個Mask係因為佢品牌創辦人小凱老師(好靚仔，有d似金城武)，之前朋友買比我試，佢v面提升效果真係唔錯，效果即時見到，都好保濕。但當然要keep住用先可以long-lasting。85折之後係NT 255，即NT85 一片，比之前介紹2款貴，所以呢隻係間中用下。
1028奇幻延長羨睫毛膏組( NT699/85折/Watson)
1028除咗mask之外，我仲買咗呢set睫毛組，1套2支，1支係睫毛膏，1支係延長纖維，仲送左一把睫毛夾。可以令睫毛延長，想幾長有幾長，而佢就搵咗小S代言，屬於網上人氣好高嘅產品。
INTEDRATE 亮澤立體雙效眼影(NT 360/康是美)
屬於日本SHISEIDO副線，我次次去台灣都會買佢妝物，不單品質好，而且選擇多，價錢仲好大眾化。由此上次買嘅波波胭脂同眼影盒未用完，所以今次只係買咗呢盒新品，一半係粉一半係膏，方便又好用。可惜呢個牌子香港無啦，要去台灣嘅女子就唔好錯過啦。
Biore 爽身粉濕巾 ( 忘記價錢/康是美)
我鍾意outdoor，但又好怕出汗笠痴痴，所以夏天一定要帶濕巾出街。Biore呢包就佢就爽身粉嘅效果，仲有香味，出汗之後用都幾爽，用後皮膚感覺有一習薄薄爽身粉咁。但如果你皮膚比較乾、易敏感就唔建議用啦。
愛足台灣 (NT 129/6片/康是美)
睇包裝係唔係好似日本大熱嘅休足時間?老實，我覺得休足時間真係麻麻，不單唔夠黏力，清涼效果好唔long-lasting。睇電視見愛足台灣賣廣告，於是就買幾包試下。愛台嘅我，覺得佢應該唔錯掛..haha 呢d足部產品真係好岩去旅行用，行到腳痛，就可以拎1對出來貼下小腿，肌膚痛都可以馬上舒緩。
HANAKA 花戀肌模特兒美足貼(NT 299/6片/86 Shop)
由於對日本休足時間太失望，所以2月去台中之時隨手買呢包試，點知一試不得了，用完覺得佢好好用，不但黏力夠，cooling舒緩肌肉痛效果好持久，訓覺用，第2日起身小腿痛都舒緩哂，所以第2日再入手7包。而家每當去旅行或行山腳痛，就會貼一對，效果真係好好。
剔爽牙籤刷 (NT45/150支/Watson)
有去過鼎泰豐嘅話，有無留意佢d牙籤有咩特別呢?佢係一邊好似小刀、一邊好似刷咁。而呢隻牙籤就同鼎泰豐嘅相似，屋企人話好方便，可以保持牙齒清潔。暫時好似只見watson有。
美妝介紹差唔多，以下有少少心得：
如果無咩時間行街，又或者無咩要求只係想買下mask的話，建議你可以起機場買，除咗價錢平少少之外，如果買滿指定價錢，仲會有贈品送。以上4盒Olay就係機場買mask送嘅。
除咗書，我都好鍾意睇台灣雜誌，如果細心留意，佢有時仲會送好多贈品，上圖就係我買雜誌送嘅。有眼線、lip gloss、粉底、shampoo、m巾、洗面、cream…… 所以有時間，不妨去7-11 8下，話唔定有suprise。
最最最後，介紹3個買妝物好地方比大家：
1. 西門丁美華泰，3層,勁大，價錢平，選擇種類好多。
2. 台北車站光南大批發 ，價錢平，但選擇種類唔多
3. 忠孝敦化頂好商場 ，入面有間宏賓，d日本妝物好新奇，有台版龍城之稱
其實台灣好用妝物真係好多，而今次只係集中介紹10月新買嘅妝物，太多我都介紹唔哂，下次有機會再推介多d啦。
下一篇就介紹下台灣7-11有咩好零食推介啦！請留意小G :)
請給我一個 like :) Thanks!
My Facebook Lazy G.Lazy Place
沒有留言:
發佈留言